ओप्सना फिल्मस् प्रा.लि.द्वारा २०८१ जेष्ठ २६ गते काठमाडौंको जमलस्थित राष्ट्रिय नाचघरमा आयोजित विशेष समारोहमा विभिन्न बिधामा राष्ट्रिय ओप्सना म्युजिक अवार्ड -२०२४ बाट सम्मान गरियो । पूर्व सूचना तथा सञ्चार मन्त्री पार्वत गुरुङको प्रमुख आतिथ्यता , नेपाल संगीत तथा नाट्य प्रज्ञा प्रतिष्ठानका उपकुलपति तथा बरिष्ठ गायक एवं संगीतकार शम्भु राई , नेपाल संगीत तथा नाट्य प्रज्ञा प्रतिष्ठानका प्राज्ञद्वय डाक्टर किराँत र देव चौधरी तथा संगीतकारद्वय चेतन सापकोटा र राजेश सिंहको विशेष आतिथ्यता, गीतकार सीताराम पोखरेल , संगीतकार धनेन्द्र याम्फू, कलाकार अर्चन राई , गायक सुशन साम्सुहाङ्ग र पत्रकार ज्ञानु श्रेष्ठको आतिथ्यता एवं ओप्सना फिल्मस् प्रा.लि.का प्रबन्ध निर्देशक ओमप्रकाश राईको अध्यक्षतामा सम्पन्न सो समारोहमा गीतकार सुरेन्द्र महर्जनलाई नगद पुरस्कार सहित लाइभटाइम अचिभमेण्ट अवार्डबाट सम्मानित गरियो । कार्यक्रम व्यवस्थापक पेमा शेर्पा राई तथा सुमनजंग के.सी., भीष्मराज फुलारा, दिवाकर भण्डारी, आनन्द कार्की र मानबहादुर थापा निर्णायक रहनुभएको उक्त समारोहमा ३९ वटा विधामा र अन्य गरी ६३ अवार्ड प्रदान गरियो । त्यस समारोहमा सर्वोत्कृष्ट आधुनिक शब्दतर्फ झलनाथ खनालको ‘आमा भन्नु’, सर्वोत्कृष्ट संगीततर्फ डी.आर. अटुको ‘सताएर जाउँ’, सर्वोत्कृष्ट आधुनिक गायकमा केशव भावुकको छातीभित्र, सर्वोत्कृष्ट पूर्वेली लोक तथा दोहोरीमा दीपक तामाङको ‘सोल्टिनी सेवारो’, सर्वोत्कृष्ट महिला मोडलमा आयुष्मा कार्की, सर्वोत्कृष्ट राष्ट्रिय गीत शब्दतर्फ श्यामकुमार बानियाँको ‘आकाश खुल्यो’, सर्वोत्कृष्ट राष्ट्रिय गीततर्फ गायिका राधा ज्ञवालीको ‘हिमालमा घाम’ र सर्वोत्कृष्ट महिला आधुनिक मोडलमा सञ्जु मोक्तानलाई सम्मानित गरियो ।यसैगरी सर्वोत्कृष्ट पूर्वेली लोकगायक तर्फ नन्दु राईको ‘धनकुटा हिले’, सर्वोत्कृष्ट लिम्बू भाषा गीतको गायकतर्फ– कुशल थलङको ‘लुङमारक हिम्लो’, सर्वोत्कृष्ट राई भाषा गीत गायकतर्फ सन्तोष दुमी राई र सर्वोत्कृष्ट काँठे गायिका सबनम आचार्य (फुयाल) सम्मानित हुनुभयो । त्यसैगरी सर्वोत्कृष्ट आधुनिक गायकमा (पब्लिक च्वाइस) प्रदिप सापकोटा, सर्वोत्कृष्ट फिल्म निर्देशक दिलमाया टु बाट (पब्लिक च्वाइस) राजु गिरी, सर्वोत्कृष्ट फिल्म निर्देशकमा दिनेश लिङ्देन, सर्वोत्कृष्ट आधुनिक मोडल (पब्लिक च्वाईस) पदम बस्नेत र सर्वोत्कृष्ट फिल्म अभिनेता (पब्लिक च्वाइस) मा दामोदर सापकोटालाई अवार्डबाट सम्मान गरियो । यस्तै सर्वोत्कृष्ट आधुनिक युगल गायक प्रचण्ड बाबु राई, सर्वोत्कृष्ट पूर्वेली तथा लोकदोहोरी शब्दतर्फ अर्जुन घिमिरे र चुलीदेवी माइ (पब्लिक च्वाइस), सर्वोत्कृष्ट नृत्य निर्देशक मनिषा राई, सर्वोत्कृष्ट आधुनिक गीतकार गोविन्दप्रसाद नागीला ‘प्रोत्साहन’ सर्वोत्कृष्ट प्रवासी गीतकार सुशिल चालिसे, सर्वोत्कृष्ट पपगायक (पब्लिक च्वाइस) नवल राई, सर्वोत्कृष्ट आदिवासी चलचित्र लोजिमाका सागर सुब्बा, सर्वोत्कृष्ट आधुनिक गायिका आश्मा विश्वकर्मा, सर्वोत्कृष्ट लोकदोहोरी गायक नवप्रतिभा संगम लिम्बूलाई पनिअवार्डबाट सम्मान गरियो । त्यस्तै उत्कृष्ट लोकदोहोरी गायक नवराज रुम्बा, उत्कृष्ट लोकदोहोरी गायिका विष्णु सुवेदी, सर्वोत्कृष्ट आधुनिक युगल गायकतर्फ सौगात जंग (जुरीतर्फ), सवोत्कृष्ट पपगायक नवतर्फ रुपेश लामा, सर्वोत्कृष्ट पपगायकतर्फ सपन श्रेष्ठ, सर्वोत्कृष्ट फिल्मको नायकतर्फ ईअन लिम्बू, सर्वोत्कृष्ट चलचित्र संगीत विकास चौधरी, सर्वोत्कृष्ट काँठे लोकदोहोरी गायिका संगीता पहरी, सर्वोत्कृष्ट देउडा गायक सुर्यविरही साउद, सर्वोत्कृष्ट लोक देउडा गायक दीपेन्द्रप्रसाद दाहाल, सर्वोत्कृष्ट आधुनिक गीतको मोडलतर्फ पदम बस्नेत (पब्लिक च्वाइस), सर्वोत्कृष्ट आधुनिक भिडियो निर्देशकमा नविन पन्त (पब्लिक च्वाइस), सर्वोत्कृष्ट ध्वनि मिश्रण गोविन्द सोनीको गीत “काली गोरी’, सर्वोत्कृष्ट फिल्मको शब्दतर्फ डी.पी. खनाल– ‘फनफनी’, सर्वोत्कृष्ट गायक आधुनिक नवप्रतिभा नवराज पराजुली, सर्वोत्कृष्ट राई भाषाको गीत गायकतर्फ चित्र आठपहरिया राई, सर्वोत्कृष्ट कुलुङ भाषाको गीतकार तर्फ मनुहाङ किराँती राई, सर्वोत्कृष्ट आधुनिक शब्द नवतर्फ उद्धब गौतम, सर्वोत्कृष्ट आधुनिक गीतकार प्रवासी राजेश के.सी., सर्वोत्कृष्ट पपगायकतर्फ (जुरी) नविन दाहाल, सर्वोत्कृष्ट कष्टुम डिजाइनर महेश शिवभक्त र सर्वोत्कृष्ट सिनेमाटोग्राफर सुजन श्रेष्ठलाई अवार्डबाट सम्मान गरियो ।
अमिशा रिसाल र दीपेन्द्र शाहीले सञ्चालन गरेको त्यस समारोहमा सर्वोत्कृष्ट शिक्षाविद् यादव गिरी, सर्वोत्कृष्ट आधुनिक गायक (जुरी) राजेन्द्र राई, सर्वोत्कृष्ट टेलिभिजन प्रस्तोता राजेन्द्र बानियाँ, सर्वोत्कृष्ट फिल्म कलाकार चन्द्र लामा, सर्वोत्कृष्ट गीतकार सन्दीप खनाल, सर्वोत्कृष्ट पप शब्दतर्फ उत्कल चालिसे, सर्वोत्कृष्ट पपशब्द (जुरी तर्फ) प्रेमा संगम, सर्वोत्कृष्ट आधुनिक गीतको मोडल एल.पी. शर्मा, सर्वोत्कृष्ट देउडा मोडल महिला जुना कार्की, सर्वोत्कृष्ट आधुनिक मोडल महिला (नव) अनु राई, सर्वोत्कृष्ट आधुनिक गीतको मोडल सुशिला श्रेष्ठ, सर्वोत्कृष्ट कलाकार सत्यदेवी थापा, सर्वोत्कृष्ट गीतकार आधुनिक नवतर्फ लिना राई, सर्वोत्कृष्ट भिडियो निर्देशन गौरव गिरी र सर्वोत्कृष्ट आधुनिक गायकतर्फ मिलन तिमल्सिनालाई अवार्डबाट सम्मान गरियो । सो समारोहमा विशेष पत्रकारिता सम्मानबाट पत्रकार सानुकुमार श्रेष्ठ लगायतलाई सम्मान गरियो ।
