गत मंसिर ४ गते सम्पन्न निर्वाचनमा नेकपा (एमाले) परित्याग गरी तत्कालीन सत्ता गठबन्धनको समर्थनमा रुपन्देही क्षेत्र शं.१ मा स्वतन्त्र उम्मेद्वार बनेका नेकपा (एमाले)का भूतपूर्व उप-महासचिव घनश्याम भुसाल आजबाट नेकपा (एस)मा प्रवेश गर्नु भएको छ । नेता भुसाललाई एक कार्क्षक्रमका बीच नेकपा (एस)का अध्यक्ष माधवकुमार नेपाल , सम्मानित नेता झलनाथ खनाल लगायतले माला र खादा ओडाएर स्वागत गर्नुभयो । त्यस अवसरमा नेता भुसालले नेकपा (एमाले) अध्यक्ष खड्गप्रसाद शर्मा ओली र उहाँका पक्षधर नेता कार्यकर्ताको आलोचना गर्दै नेकपा (एस) समाजवादको युगिन अभिभारा पूरा गर्ने विश्वास व्यक्त गर्नुभयो ।
