प्रधानमन्त्री प्रचण्डले विश्वासको मत पाएपनि विना विभागीय मन्त्रीको लागेन मन्त्रालयको टुङ्गो

प्रधानमन्त्री पुष्पकमल दाहाल ‘प्रचण्ड’ले मंगलबार प्रतिनिधि सभाका २७५ मध्ये २६८ सांसदको समर्थन सहित प्रतिनिधि सभाबाट विश्वासको मत पाएपनि बुधबारसम्म मन्त्रीपरिषद बिस्तार गर्न सक्नुभएन , जसका कारण प्रचण्ड नेतृत्वको ८ सदस्यीय मन्त्रीपरिषदमा रहेका ४ विना विभागीय मन्त्री राजेन्द्र राई , ज्वालाकुमारी साह , दामोदर भण्डारी र अब्दुल खानले मन्त्रालय जिम्मेवारी पाउनुभएको छैन । प्रधानमन्त्री प्रचण्डले आफूले प्रतिनिधि सभाबाट विश्वासको मत लिएपछि मन्त्रीपरिषदलाई पूर्णता दिने बताउदै आउनुभएको थियो ।

प्रतिनिधि सभामा विपक्षी बेञ्चमा दुई दलका सांसद

प्रतिनिधि सभामा रहेका दलहरुमध्ये नेमकिपाका सांसद प्रेम सुवाल र राष्ट्रिय जनमोर्चाका सांसद चित्रबहादुर के.सी.ले मात्रै प्रधानमन्त्री प्रचण्डलाई विश्वासको मत दिनु भएन । सोही कारण उहाँहरु दुई सांसद मात्रै विपक्षी बेञ्चमा रहन कानुनी र नैतिक रुपमा उपर्युक्त रहने राजनीतिक तथा क्षेत्रका जानकार बताउछन् । प्रतिनिधि सभामा सरकारलाई विश्वासको मत दिएपनि नेपाली कांग्रेस , नेकपा (एस), लोसपा र नेउपाका नेताहरुले प्रतिनिधि सभाको विपक्षी बेञ्चमा बस्ने बताएपछि यो विषयको पक्ष र विपक्षमा विभिन्न क्षेत्रका व्यक्तिहरुको प्रतिक्रिया बाहिर आएको छ ।

Leave a Reply