ललितपुर/ ललितपुरको हात्तीवनमा रहेको टेवा बहुउद्देश्यीय सहकारी संस्था लि.को १६औं स्थापना दिवस सोमबार बिगतका वर्षहरुमा झैं बृक्षारोपण कार्यक्रम गरी मनाइएको छ । सोही संस्थाको कार्यालय परिसर आसपासमा बृक्षारोपण गरिएको थियो ।
त्यसै अवसरमा एक अर्कामा शुभकामना आदान प्रदान गरिएको थियो ।
२०६४ साल साउन १६ गतेबाट सञ्चालन शुरु भएको यो संस्था निरन्तर प्रगतिपथमा अगाडि बढिरहेको उसका सूचकाङ्कहरुबाट देखिएको छ । आफ्ना शेयर सदस्यहरुप्रति केन्द्रित भई सञ्चालन भइरहेको यो संस्थाले समय समयमा सामाजिक उत्तरदायित्व अन्तर्गत विभिन्न रचनात्मक क्रियाकलाप सञ्चालन गर्ने गर्दै आएको छ ।
