गण्डकी प्रदेशका युवा तथा खेलकूद मन्त्री तथा मनाङ (ख) क्षेत्रबाट स्वतन्त्र गण्डकी प्रदेश सभा सदस्य राजिव गुरुङ उर्फ दीपक मनाङे नेकपा (एस) मा प्रवेश गर्नुभएको छ । उहाँलाई नेकपा (एस)का अध्यक्ष माधवकुमार नेपालले स्वागत गर्नुभयो । मन्त्री गुरुङले आज जारी गरेको प्रेस विज्ञप्तिमा नेकपा (एस)ले लिएको नीति , विचार र सिद्धान्त आफ्नो उद्देश्यसँग मेल खाएकोले आफू नेकपा (एस)मा प्रवेश गरेको उल्लेख गर्नुभएको छ । गण्डकी प्रदेश सभामा नेकपा (एस)को प्रतिनिधित्व हुन नसकी रहेको बेला मनाङेको प्रवेशले सो प्रदेशमा नेकपा (एस)को प्रतिनिधित्व हुने भएको छ ।
