नवनियुक्त प्रधानमन्त्री खड्गप्रसाद शर्मा ओली तथा मन्त्रीहरुको पद तथा गोपनियताको सपथ ग्रहण आज विहान ११ बजे काठमाडौंको महाराजगञ्स्थित राष्ट्रपतिको कार्यालय शीतल निवासमा हुने भएको छ । हिजो साझ ५ बजेसम्म नेकपा (एमाले)का अध्यक्ष तथा पूर्व प्रधानमन्त्री ओलीको मात्रै प्रधानमन्त्री पदमा दाबी परेकाले राष्ट्रपति रामचन्द्र पौडेलले नेपालको संविधान,२०७२ को धारा ७६(२] अनुसार ओलीलाई प्रधानमन्त्री पदमा नियुक्त गर्नुभएको थियो । प्रधानमन्त्री ओलीको मन्त्रीपरिषदमा नेपाली कांग्रेसबाट ९ र नेकपा (एमाले)बाट ८ र वाकी अन्य दलबाट मन्त्री बन्ने तय भएको बताइएको छ ।
यता ओलीलाई राष्ट्रपति पौडेलले नेपालको संविधान,२०७२ को धारा ७६(२) अनुसार प्रधानमन्त्रीमा नियुक्त गर्नुभएकोप्रति कानुनका जानकारहरुले समर्थन र विरोध गरिरहेको छन् ।
