राष्ट्रिय वामपन्थी मञ्च, नेपालको प्रथम राष्टृरिय भेला जारी छ । शुक्रबार विप्लव नेतृत्वको नेपाल कम्युनिष्ट पार्टीका केन्द्रीय सचिवालय सदस्य सन्तोष बुढा , नेपाल कम्युनिष्ट पार्टी (माओवादी समाजवादी)का उपाध्यक्ष रङ्गनाथ ढकाल , ऋषि कट्टेल नेतृत्वको नेपाल कम्युनिष्ट पार्टीका केन्द्रीय सचिवालय सदस्य अर्जुन कार्की, वरिष्ठ अधिवक्ता एकराज भण्डारीले सो भेलाको उद्घाटन सत्रमा शुभकामना मन्तव्य व्यक्त गर्दै उक्त भेलाको सफलताको कामना व्यक्त गर्नुभयो । शुक्रबार काठमाडौंको कमलादीस्थित नेपाल प्रज्ञा प्रतिष्ठानमा एक कार्यक्रमका बीच प्रमुख आतिथि र अतिथिहरुले एकै साथ ताली बजाएर भेलाको उद्घाटन गर्नुभयो । वाम आन्दोलनमा क्रियाशील बुद्धिजीवीहरु लगायतको प्रतिनिधित्व रहेको त्यस भेलाले नयाँ नेतृत्व समेत चयन गर्ने आयोजकको भनाई छ । त्यसै मञ्चका संयोजक दीर्घ पाण्डेको अध्यक्षतामा भेलाको उद्घाटन सत्र सञ्चालन भएको थियो ।
आज समापन हुने भेलामा कोरियन डकुमेन्ट्री समेत प्रस्तुत भएको जनाइएको छ ।