नावालिकालाई बलात्कार गरेको आरोप खेपिरहेका क्रिकेट खेलाडी सन्दीप लामिछानेलाई १२ वर्ष जेल सजायको मागदावी गरी लामिछाने विरुद्ध आज काठमाडौं जिल्ला अदालतमा मुद्धा दर्ता भएको बताइएको छ । उक्त मुद्धामा पीडितलाई क्षतिपूर्तिको माग पनि गरिएको बताइएको छ । सो मुद्धाको थप प्रक्रियागत कार्य भने भोलिबाट मात्रै अगाडि बढ्ने काठमाडौं जिल्ला अदालत श्रोतले जनाएको छ ।
आफू माथि नावालिकालाई बलात्कार गरेको आरोपमा गत असोज २० गतेदेखि महानगरीय प्रहरी वृत्त , गौसालामा प्रहरी हिरासतमा रहेका लामिछानेले भने आफूमाथि लागेको नावालिकालाई बलात्कार गरेको भनी लागेको आरोपलाई अस्वीकार गर्दै आउनु भएको छ । नेपाली राष्ट्रिय क्रिकेट टोलीका निलम्वित कप्तान लामिछानेलाई गत असोज २० गतेदेखि यता ४ पटक काठमाडौं जिल्ला अदालतबाट म्याद थप गरी प्रहरी हिरासतमा राखिएको छ ।
