ललितपुर/ ललितपुर महानगरपालिका-१४, ताल्छिखेलमा आफ्नै भवनबाट सञ्चालन भइरहेको आयाम बचत तथा ऋण सहकारी संस्था लि.तथा ललितपुरकै तिखेदेवलमा रहेको सामुदायिक प्रहरी केन्द्रको संयुक्त आयोजनामा खुल्ला रक्तदान तथा नि:शुल्क स्वास्थ शिविर कार्यक्रम सम्पन्न भयो । यही शनिबार ताल्छिखेलस्थित आयाम बचत तथा ऋण सहकारी संस्था लि.को कार्यालय परिसरमा सम्पन्न सो रक्तदान कार्यक्रममा ८२ जना रक्तदाताले रक्तदान गरेको आयोजकको भनाई छ । त्यसैगरी सोही स्थानमा सम्पन्न नि:शुल्क स्वास्थ्य शिविर कार्यक्रममा १२२ जनाको सामान्य स्वास्थ्य जाँच र ४५ जनाको स्त्रीरोग सहितको स्वास्थ्य जाँच गरिएको आयोजक आयाम बचत तथा ऋण सहकारी संस्था लि.का व्यवस्थापक गणेश नेपालले बताउनुभयो । नेपाल रेडक्रस सोसाइटी, रविभवन, काठमाडौंको प्राविधिक सहयोग तथा आयाम हेल्थ केयर सेण्टर , ताल्छिखेल र बासुकी बचत समूहको सह-आयोजनामा उक्त रक्तदान तथा नि:शुल्क स्वास्थ्य शिविर कार्यक्रम सम्पन्न भएको थियो ।
उक्त कार्यक्रमलाई सफलतापूर्वक सम्पन्न गर्न सहयोग गर्ने रक्तदाता महानुभाबहरु , आयोजक सामुदायिक प्रहरी केन्द्र तिखेदेवल, प्राविधिक सहयोग गरेको नेपाल रेड्क्रस सोसाइटी रविभवन , काठमाडौं, सह आयोजक बासुकी बचत समूह, आयाम हेल्थ केयर सेण्टर, ताल्छिखेल तथा सरोकारवाला विभिन्न संघ, सस्था, समूह र सहयोगी महानुभावहरुप्रति आयोजक आयाम बचत तथा ऋण सहकारी संस्था लि.ले कृतज्ञता व्यक्त गरेको छ । स्थानीय समुदायमा आधारित सो संस्था निरन्तर प्रगतिपथमा अगाडि बढिरहेको सूचकाङ्कहरुबाट देखिएको छ ।
……………………………………………………………………..
नव वर्ष २०७९ को उपलक्ष्यमा हाम्रा शेयर सदस्य महानुभावहरु तथा कर्मचारीहरु एवं समस्त नेपाली दाजुभाइ तथा दिदीबहिनीहरुमा सुख, शान्ति, सु-स्वास्थ्य, दीर्घायु र उत्तरोतर प्रगतिको हार्दिक मंगलमय शुभकामना व्यक्त गर्दछौं ।
