भक्तपुर / भक्तपुर नगरपालिका-२, इताछेंमा रहेको लोकेश्वर बचत तथा ऋण सहकारी संस्था लि.को युवा तथा अतिरिक्त क्रियाकलाप उप-समितिको आयोजनामा हिजो सो संस्थाका जेष्ठ शेयर सदस्यहरुलाई ललितपुरको जावलाखेल स्थित सदर चिडियाखाना, गोदावरीको बनस्पति उद्यान र गोदावरी कुण्डको १ दिने अध्ययन अवलोकन भ्रमण सम्पन्न भएको छ । उक्त भ्रमणमा सहभागी जेष्ठ शेयर सदस्यहरुले नयाँ स्थल र चिडियाखाना घुम्न पाएकोमा खुसी व्यक्त गर्नुभयो । त्यस भ्रमणमा सोही संस्थाका ८० जना जेष्ठ शेयर सदस्यहरुको सहभागिता रहेको थियो । समुदायमा आधारित सहकारी संस्थाले यस्तो किसिमको भ्रमण गर्न आवश्यक रहेको र आगामी दिनमा पनि जेष्ठ शेयर सदस्य र बाल सदस्यहरुको यस्तो भ्रमण निरन्तर रुपमा आयोजना गदै जाने आयोजक समितिको भनाई छ ।
