भक्तपुर / भक्तपुरको मध्यपुर थिमि नगरपालिका-४, शंखधर चोकस्थित आफ्नै भवनबाट सञ्चालन भइरहेको शंखधर बचत तथा ऋण सहकारी संस्था लि.को सामाजिक उप-समितिको आयोजनामा शनिबार बृहत रक्तदान कार्यक्रम सम्पन्न भयो । ६५औ राष्ट्रिय सहकारी दिवसको अवसरमा शंखधर चोकस्थित शंखधर पार्टी पार्टी प्यालेसमा आयोजित उक्त कार्यक्रममा २९ जना पुरुष र १५ जना महिला गरी ४४ जना रक्तदाताले रक्तदान गर्नु भएको थियो । सोही संस्थाका अध्यक्ष रामसुन्दर श्रेष्ठले सो रक्तदान कार्यक्रमको उद्घाटन गर्नुका साथै रक्तदाताहरुलाई प्रमाण-पत्र प्रदान गर्नु भएको थियो । रक्तदान कार्यक्रममा त्यस संस्थाका सञ्चालक समिति, लेखा सुपरीवेक्षण समिति र उप-समितिहरुका पदाधिकारी तथा सदस्य, शेयर सदस्यहरु , कर्मचारीहरु लगायतको सहभागिता रहेको थियो ।
स्थानीय समुदायमा आधारित रहेर सञ्चालन भइरहेको सो संस्थाले सामाजिक उत्तरदायित्व कार्यक्रम अन्तर्गत समय-समयमा रचनात्मक क्रियाकलाप गर्दै आएको छ । आफ्ना शेयर सदस्यहरुको मर्म र भावनालाई आत्मसाथ गर्दै अगाडि बढिरहेको यो संस्था निरन्तर प्रगतिपथमा रहेको देखिएको छ ।
