भक्तपुर/ नेपाल रेडक्रस सोसाइटी , बालकोट उप-शाखाको आयोजना तथा बालकोटमा रहेका बालकोट बचत तथा ऋण सहकारी संस्था लि.र मैत्रीय बचत तथा ऋण सहकारी संस्था लि.को सहयोगमा आज सूर्यविनायक नगरपालिका-२, बालकोट चोकमा रक्तदान कार्यक्रम सम्पन्न भयो । बिहान ७:३० देखि १० बजेसम्म भएको सो रक्तदान कार्यक्रममा २३ जना रक्तदाताले रक्तदान गरेको आयोजकको भनाई छ । नेपाल रेडक्रस सोसाइटी, बालकोट उप-शाखामा समेत रहनु भएका बालकोट बचत तथा ऋण सहकारी संस्था लि.का व्यवस्थापक जयराज पौडेलले रगतको अभाव देखिएकोले हिजो दिउसो आकस्मिक रुपमा निर्णय गरी यो रक्तदान कार्यक्रम आयोजना गरिएको बताउनुभयो ।
