काठमाडौं/ जिल्ला सहकारी संघ लि.,काठमाडौंले हिजोदेखि विभिन्न कार्यक्रम गरी ६५औं राष्ट्रिय सहकारी दिवस मनाउन शुरु गरेको जनाएको छ ।
हिजो घुइचो रेष्टुरेण्ट, न्युरोडमा सो संघको नगर उप-समितिको आयोजनामा सरोकारवालाहरु बीच सहकारीमा सुशासन र तरलता व्यवस्थापन विषयक अन्तरक्रिया कार्यक्रम सम्पन्न भएको जनाइएको छ । आज रक्तदान कार्यक्रम आयोजित भइरहेको छ भने यही चैत्र २० गते उक्त संघ र काठमाडौं महानगरपालिकाको संयुक्त आयोजनामा काठमाडौंको बग्गीखानासँगै स्काई बैङ्क्वेटमा स्थानीय सरकार र जिल्ला संघको भूमिका विषयक अन्तरक्रिया हुने बताइएको छ । उक्त संघको कतै आयोजना र कतै सहभागितामा आउदो चैत्र २१ गतेसम्म विभिन्न कार्यक्रम गरी ६५ राष्ट्रिय सहकारी दिवस मनाउने कार्यक्रम तय भएको जनाएको छ । त्यस संघले काठमाडौंमा रहेका सहकारी संघ/ स्वास्थाहरुलाई यो दिवस मनाउन आह्वान गरेको छ ।
……………………………………………………………………..
