नेपाली कांंग्रेसका केन्द्रीय सदस्य तथा संविधान सभा सदस्य एवं पूर्व मन्त्री केशवकुमार बुढाथोकीको ८० वर्षको उमेर गएराती विराट मेडिकल कलेज विराटनगरमा निधन भयो । लामो समयदेदि प्रोष्टेड क्यान्सरबाट पीडित बुढाथोकी पछिल्लो समय मृगौलामा समस्या उत्पन्न भएपछि विराट मेडिकल कलेज विराटनगरमा उपचाररत हुनुहुन्थ्यो । झापाको शनिश्चरे निवासी बुढाथोकी पञ्चायतकालमा प्रधानपञ्च, झापा जिल्ला पञ्चायतको सभापति, राष्ट्रिय पञ्चायत सदस्य र जलश्रोत सहायक मन्त्री बन्नुभएको थियो भने २०६४ र २०७० सालमा झापा क्षेत्र नं.५ बाट संविधान सभा सदस्यमा निर्वनचपत हुनुभयो । यसैगरी उहाँ २०७३ सालमा सामान्य प्रशासन मन्त्री बन्नुभएको थियो ।
उहाँका श्रीमती , २ छोरी र १ छोरा छन् ।
दिवंगत बुढाथोकीको पार्थिव शरीर झापाको माइधारस्थित कन्काई नदीमा अन्तेष्टी हुने बताइएको छ ।
बुढाथोकीको निधनमा नेपाली कांग्रेसका सभापति देेेउवा र सभामुख घिमिरेद्ववारा शोक प्रकट
आफ्नै पार्टी केन्द्रीय सदस्य तथा संविधान सभा सदस्य एवंम पूर्व मन्त्री केशवकुमार बुढाथोकी निधनप्रति नेपाली कांग्रेसका सभापति तथा पूूर्व प्रधानमन्त्री शेरबहादुर देउवा , प्रतिनिधि सभाका सभामुख देवराज घिमिरे लगायतले शोक प्रकट गर्नुभएको छ ।