यही मंसिर ३० गते शनिबार ८६ वर्षको उमेरमा निधन भएका कुवेतका
अमिर शेख नवाफ अल अहमद अल जाबेर अल सवाहको निधनमा आज नेपालमा पनि शोक मनाउने गृह मन्त्रालयले जनाएको छ । आइतबार बसेको नेपाल सरकार, मन्त्रीपरिषदको बैठकले कुवेतका अमिरको निधनको शोकमा आज नेेपालका सरकारी कार्यालय तथा विदेशस्थित कुटनीतिक नियोगमा राष्ट्रिय झण्डा आधा झुकाउने निर्णण गरेको थियो । कुवेतका अमिरको निधनप्रति राष्ट्रपति रामचन्द्र पौडेल तथा प्रधानमन्त्री पुष्पकमल दाहाल ‘प्रचण्ड’ले दु:ख व्यक्त गर्नुभएको थियो ।