नेपालको संंविधान,२०७२ को धारा १६८ को उपधारा (५) अनुसार कोशी प्रदेशको मुख्यमन्त्री बनेका केदार कार्कीले भोलि कोशी प्रदेश सभाबाट विश्वासको मत लिनु हुने भएको छ ।
सत्ता गठबन्धनका तर्फबाट मुख्यमन्त्रीमा प्रस्तावित इन्द्र आङ्बोलाई निराश बनाउदै नेकपा (एमाले)का ३९ र नेपाली कांग्रेसका आफू सहित ८ जना प्रदेश सभा सदस्यको समर्थनमा मुख्यमन्त्री बनेका नेपाली कांग्रेसका नेता कार्कीको नेतृत्वमा आइतबार नेपाली कांग्रेसका शमशेर राई र नेकपा (एमाले)का राम राना रहेको ३ सदस्यीय मन्त्रीपरिषद गठन भएको छ तर राई र राना दबै जना विना विभागीय मन्त्री हुनुहुन्छ । आइतबार प्रदेश प्रमुखबाट पद तथा गोपनियता सपथ लिएसँगै मुख्यमन्त्री कार्कीले पदभार ग्रहण गर्नुभएको थियो ।
मुख्यमन्त्री कार्कीले आफू नेतृत्वको सरकार सर्वदलीय सरकनर हुने विश्वास व्यक्त गर्नुभएको छ । मुख्यमन्त्री कार्कीलाई कोशी प्रदेश सभामा रहेका सत्ता गठबन्धन दलका प्रदेश सभा सदस्यहरुले पनि विश्वासको मत दिने कतिपय नेतहरुको भनाइ छ ।