राष्ट्रिय सहकारी नियमन प्राधिकरणको अध्यक्षका लागि लोकसेवा आयोगका अध्यक्ष माधवप्रसाद रेग्मी अध्यक्ष तथा पूर्व सचिव सुमन शर्मा तथा गुणनिधि भुसाल सदस्य रहेको सिफारिस समितिले सो प्राधिकरणको अध्यक्षका लागि दरखास्त दिएका ६ जनामध्येबाट छनौट गरि ३ जनाको नाम सिफारिस गरेको जनाइएको छ । जसमा भूमि व्यवस्था, सहकारी तथा गरिबी निवारण मन्त्रालयका पूर्व सचिव तथा राष्ट्रिय सहकारी नियमन प्राधिकरणका संस्थापक अध्यक्ष अर्जुनप्रसाद पोखरेल, नेपाल राष्ट्र बैंकका पूर्व कार्यकारी निर्देशक नारायण पौडेल र विघटित राष्ट्रिय सहकारी विकास बोर्डमा सदस्य सचिव भएर ५ महिना जति समय काम गरेका नेकपा (एमाले)का सहकारी विभागका सदस्य डा.खगराज शर्मा अध्यक्ष पदका लागि सिफारिस भएका छन् । यी तीन जनामध्ये एक जनालाई मन्त्रीपरिषद बैठकले सो प्राधिकरणको अध्यक्ष नियुक्त गर्ने बताइएको छ । उक्त प्राधिकरणको अध्यक्षका लागि निजामती सेवाबाट अवकास भएका पोखरेल, नेपाल राष्ट्र बैंकको कार्यकारी निरदेशकबाट अवकास भएका पौडेल र बिघटित राष्ट्रिय सहकारी विकास बोर्डका सदस्य सचिव भइसकेका डा.शर्मा मरिहत्ते गरेर लागिरहेका छन् तर यी ३ जनामध्ये डा.शर्मा अध्यक्ष बन्ने पक्का जस्तै रहेको जानकारहरु बताउछन् ।
पोखरेल, पौडेल र डा.शर्मसँगै अनिलराज पौडेल, परितोष पौड्याल र डा.हरिकुमार नेपालले अध्यक्ष पदमा दरखास्त दिएका थिए ।
