काठमाडौं/ काठमाडौं उपत्यकाका सडकमा थुप्रिएको फोहोर आजबाट उठ्ने गरी काठमाडौं महानगरपालिका तथा ककनी गाउँपालिका र धुनिबेशीं नगरपालिकाका जनप्रतिनिधि बीच बिहीबार राती १९ बुँदे सहमती भएको छ । यो सहमतीसँगै आजबाट काठमाडौं उपत्यकाको फोहोर उठ्न शुरु हुने बताइएको छ । उक्त सहमतीमा अब काठमाडौं उपत्यकाको फोहोर राती मात्रै विसर्जन गर्ने , २ महिनाभित्र बैज्ञानिक ढंगबाट फोहोरको गन्ध हटाउने गरी कार्य गर्ने लगायतका विषय उल्लेख भएको छ ।
