काठमाडौं/काठमाडौंको कागेश्वरी मनोहरा नगरपालिका-९, काँडाघारीमा आफ्नै भवनबाट सञ्चालन भइरहेको सहकाली बचत तथा ऋण सहकारी संस्था लि.ले आफ्नो १६औं स्थापना दिवसको उपलक्ष्यमा आज बृहत रक्तदान कार्यक्रम आयोजना गर्न लागेको जनाइएको छ । आज बिहान ८ बजेबाट सोही संस्थाको कार्यालय भवन परिसरमा सो रक्तदान कार्यक्रम शुरु हुने र त्यसमा नेपाल रेडक्रस सोसाइटी , शाखा कार्यालय भक्तपुरको प्राविधिक सहयोग रहने बताइएको छ ।
