काठमाडौं/ गृह मन्त्रालयको बढुवा समितिको सचिवालयले नेपाल प्रहरीका ८ जना पहरी उपरीक्षक (SP) वरिष्ठ प्रहरी उपरीक्षक (SSP) मा बढुवाका लागि सिफारिस गरेको जानकारी प्राप्त भएको छ । सोमबार गृह मन्त्रालयमा बसेका बढुवा समितिको सचिवालयको बैठकले सो निर्णय गरेको जनाइएको छ । वरिष्ठ प्रहरी उपरीक्षक पदमा बढुवाको सिफारिस भएका प्रहरी उपरीक्षकहरुमा विकासराज खनाल, सुदीप राजभण्डारी , अनुरागकुमार द्विवेदी, राजेन्द्र सिंह खड्का,योगबहादुर पाल, टीकाबहादुर के.सी.,ध्रुवराज राउत र भोलाबहादुर राउत रहेका छन् ।
नेपाल प्रहरी अस्पतालमा देखिएन आर्थिक अनियमितता : छानविन समिति
नेपाल प्रहरी अस्पतालको अनियमितता छानविन गर्न गठित समितिले नेपाल प्रहरी अस्पतालमा कुनै अनियमितता नरहेको तर प्रहरी अतिरिक्त महानिरीक्षक र नायब महानिरीक्षक बीच को सिनियर भनेर झगडा मात्रै रहेको प्रतिवेदन प्रहरी महानिरीक्षक शैलेश थापालाई बुझाएको बताइएको छ । अतिरिक्त महानिरीक्षक आशा सिंहले नेपाल पृरहरी अस्पतालको सामाग्री खरीद गर्दा आर्थिक अनियमितता गरेको भन्ने उजुरी अख्तियार दुरुपयोग अनुसन्धान आयोगमा परेपछि नेपाल प्रहरी प्रधान कार्यालयले नेपाल प्रहरी अस्पतालमा अनियमितता छानविन समिति बनाएको थियो ।