कतारमा जारी २२औं संस्करणको फिफा विश्वकप फुटबलको नकाउट चरणको खेलमा स्पेनलाई पेनाल्टी सुट आउटमा स्पेनलाई हराएर अफ्रिकन टोली मोरोक्को ३६ वर्षपछि पहिलो पटक क्वाटर फाइनल प्रवेश गरेको छ । केही बेर अगाडि कतारको एजुकेशन स्टेडियममा सम्पन्न समूह ‘एफ’को विजेता मोरोक्को र समूह ‘ई’को उप-विजेता स्पेन बीचको खेलमा निर्धारित समय र थप गरिएको ३० मिनेटको समयमा दुबै टोलीले गोल गर्न सकेनन् , जसका कारण खेल पेनाल्टी सुट आउटमा धकेलियो । पेनाल्टी सुटआउटमा स्पेनका सबै खेलाडीको पेनाल्टी प्रहार मोरोक्कोका गोल रक्षकले रोकेर गोल हुन दिएनन् । यता स्पेनका गोलरक्षकले पनि मोरोक्कोका १ खेलाडीको पेनाल्टी प्रहार रोकेपनि मोरोक्कोका बाँकी ३ खेलाडीको पेनाल्टी प्रहार सफल भयो ।
खेलमा हावी देखिएपनि स्पेनले पेनाल्टी सुटआउट सदुपयग गर्न नसक्ता स्पेन नकाउट चरणबाटै बाहिरियो ।
खेलमा विजयी मोरोक्कोले क्वाटर फाइनल खेल अहिले १२:४५ बजे हुने पोर्तुगल र स्वीट्जरल्याण्ड बीचको विजेता टोलीसँग खेल्ने छ ।
