बाँसबारी छाालाजुत्ता कारखानाको जग्गा हिनामिना गरेको आरोपमा नेपाल प्रहरीको केेन्द्रीय अनुसन्धान व्युरोले आज पक्राउ गरेका बाँसबारी छालाजुत्ता कारखानाका ततकालीन कार्यकारी प्रमुख अजितनारायण सिंह थापा र सी.जी. होल्डिङका अध्यक्ष तथा प्रबन्ध निर्देशक अरुण चौधरीलाई ४/४ दिनसम्म प्रहरी हिरासतमा राखेर अनुसन्धान गर्न काठमाडौं जिल्ला अदालतले सीआईबी (CIB)लाई अनुमती दिएको छ । सीआईबीको नियन्त्रणमा रहेका चौधरी माथि किर्ते सम्बन्धी अनुसन्धान गर्ने जनाइएको छ । सीआईबीले थापालाई काठमाडौंको बत्तीसपुतलीबाट र चौधरीलाई लाजिम्पाटबाट पक्राउ गरे लगत्तै जिल्ला सरकारी वकीलको कार्यालय, काठमाडौं मार्फत थुनामा राखेर अनुसन्धान गर्न माग गरी काठमाडौं जिल्ला अदालतमा पेश गरेको थियो । उनीहरु माथि किर्तेको विषयमा थप अनुसन्धान गर्ने बताइएको छ । सीआईबी ३ महिनादेखि बाँसबारी छालाजुत्ता कारखानाको जग्गा हिनामिनाको विषयमा अनुसन्धान गर्दै आएको सीआईबीीले जनाएको छ ।
ठाकुर पनि सीआईीबी (CIB) को नियन्त्रणमा
बाँसबारी छालाजुत्ता कारखानाका तत्कालीन अध्यक्ष तथा आम्रपाली कण्ट्रक्सनका मालिक सञ्जय ठाकुरलाई पनि आजै सीआईबीले पक्राउ गरेको छ तर उनलाई भने आज अदालत लगिएन । उनी अध्यक्ष रहेकै समयमा बाँसबारी छालाजुत्ता कारखानाको १० रोपनी जग्गा चाँदबाग सी.जी.कम्पनीको नाममा नामसारी गर्ने निर्णय गरेको देखिएको बताइएको छ ।
अजितलाई भेट्न सुनिल सीआईबी कनर्यालयमा
पूर्व मन्त्री तथा राष्ट्रपति रामचन्द्र पौडेलका सल्लाहकार सुनिल थापा पक्राउ परेका अजित नारायण थापालाई भेट्न सीआईबीको कार्यालयमा पुगेका थिए ।।
