वर्षाका कारण संयुक्त राज्य अमेरिकाको फ्लोरिडामा आज विहान ५:१५ बजे हुने तय भएको आईसीसी टी ट्वाण्टी क्रिकेट विश्वकप अन्तर्गतको समूह चरणको नेपाल – श्रीलंका बीचको खेल रद्ध भयो । योसँगै नेपाल र श्रीलंकाले १/१ अंक बाडेका छन् ।
नेदरल्याण्डसँगको पहिलो खेलमा ६ विकेटले पराजित भएको नेपालले दक्षिण अफ्रिका र बंगलादेशसँग खेल्न बाँकी छ । दुई खेलबाट १ अंक जोडेको नेपालले आउदो शनिबार विहान ५:१५ बजे वेष्टइण्डिज सेण्ट भिसेण्टमा दक्षिण अफ्रिकासँग खेल्ने छ भने वेष्टइण्डिजमा नै आउदो सोमबार नेपालले बंगलादेशसँग खेल्ने छ । स्पीनर सन्दीप लामिछाने दक्षिण अफ्रिका र बंगलादेशसँगको नेपालको खेलमा खेल्न वेष्टइण्डिज पुगेकाले नेपाली खेलाडीहरुमा आत्मविश्वास बढेको देखिएको छ ।
यता वर्षाले खेल रद्ध भएर नेपालसँग अंक बाडेको श्रीलंकाले यश अघिका खेलमा दक्षिण अफ्रिकाबाट ६ विकेट र बंगलादेशबाट २ विकेटले पराजित भएको छ । ३ खेलमा १ अंक जोडेको श्रीलंकाले अब नेदल्याण्डसँग खेल्न बाँकी छ ।