ऋषि कट्टेल नेतृत्वको नेपाल कम्युनिष्ट पार्टीद्वारा यही फाल्गुण १८ गतेदेखि संसदवादको अन्त गरी नयाँ जनवादी गणतन्त्र स्थापनाको लागि जनजागरण अभियान सञ्चालन भइरहेको छ । यो अभियानका क्रममा पर्चा वितरण, जनतासँग छलफल अन्तर्क्रिया, विरोध सभा तथा पार्टी संगठनका भेला प्रशिक्षण लगायतका कार्यक्रम भइरहेको पिपुल्स फोर्स नेपालका अध्यक्ष विश्वजीतले बताउनुभयो । “यसैक्रममा यही मंसिर २१ गते काठमाडौंको बालाजु माछापोखरीमा, फाल्गुण २२ गते ललितपुरको भैंसेपाटी र फाल्गुण २३ गते ललितपुरको लगनखेलमा राष्ट्रघात, जनघात र भ्रष्ट्राचारको संरक्षक संसदवाद विरुद्ध विरोध सभा आयोजना गरेको र ती विरोध सभालाई नेपाल कम्युनिष्ट पार्टीका उपाध्यक्ष प्रा.डा. शम्भु कट्टेल , सचिवालय सदस्यहरु राजेश बान्तवा, डा.भगवानचन्द्र ज्ञवाली र विपति मण्डल, अखिल नेपाल ट्रेड युनियन महासंघका महासचिव राजकुमार थापा, पिपुल्स फोर्स नेपालका अध्यक्ष विश्वजीत र नेता नील गगन लगायतले सम्बोधन गर्दै संसदवादी व्यवस्था रहेसम्म नेपाली जनताले दु:ख पाइरहने भएकाले मुलुकमा सुशासन कायम गर्न नयाँ जनवादी गणतन्त्र स्थापना हुनु पर्ने बताउनुभएको र जनताको साथ पाए नेपाल कम्युनिष्ट पार्टी मुलुकलाई नयाँ शिराबाट सञ्चालन गरि शोषण र उत्पीडन अन्त गरि देशमा सुशासन कायम गर्न सक्षम छ भन्नुभयो’, महासचिव थापाको भनाई छ ।
“यो अभियान २०८२ को बैशाख मसान्तसम्म देशैभर सञ्चालन हुन्छ “, पिपुल्स फोर्स नेपालका नेता नील गगन बताउनुहुन्छ ।
काठमाडौ जिल्ला भेला
नेपाल कम्युनिष्ट पार्टीद्वारा सञ्चालित सो जनजागरण अभियानको क्रममा यही फाल्गुण २१ गते नेपाल कम्युनिष्ट पार्टीको काठमाडौं जिल्ला स्तरीय भेला माछापोखरीमा सम्पन्त भयो । शहीदहरुप्रति एक मिनेट मौनधनरण गरी श्रद्धाञ्जली अर्पण गरेर शुरु भएको भेलालाई सोही पार्टीका उपाध्यक्षद्वय आर.बी. भण्डारी र प्रा.डा. शम्भु कट्टेल , पुष्पलाल विचार प्रबर्धन केन्द्रका अध्यक्ष खेमनारायण ढुंगाना, पिपुल्स फोर्स नेपालका अध्यक्ष विश्वजीत लगायतले सम्बोधन गर्नुभएको थियो । पिपुल्स फोर्स नेपालका नेता उत्सुक कट्टेलले सञ्चालन गर्नु भएको भेलाले रत्नप्रसाद जोशीको संयोजकत्वमा १५ सदस्यीय नेपाल कम्युनिष्ट पार्टीको काठमाडौं जिल्ला संयोजन समिति पुनर्गठन गरेको छ । उक्त समितिको सह-संयोजकमा भवानी के.सी. तथा सदस्यमा निश्चल कट्टेल, अर्जुन गौतम, छविलाल खतिवडा, खम्ब सिंह मगर, अमन खड्गी, टेकेन्द्र बुढा मगर , शरण पौडेल, ओमजंग भण्डारी, नवराज वि.क., इन्दिरा भट्टराई ,रणमाया लिम्बू , पासाङ लामा र राजेन्द्र उप्रेती रहनुभएको जनाइएको छ ।
यसैगरी यही फाल्गुण २२ गते ललितपुर खोकनामा सम्पन्न किसनाहरुको भेलाले नेपाल कम्युनिष्ट पार्टी निकट अखिल नेपाल किसान युनियनको खोकना इकाई समिति निर्माण गरेको बताइएको छ ।
