नेपाल केन्पो खुकुरी मार्शल आर्ट्स संघको आयोजनामा भक्तपुरको कौशलटारस्थित ब्याङ्क्वेट ह्वाइट प्यालेसमा यही श्रावण २३ गते मंगलबार मार्सल आर्टसका खेलाडीहरुको ग्रेडिङ कार्य सम्पन्न भयो । कार्यक्रम सोही संघका केन्द्रीय अध्यक्ष पूर्णप्रसाद पाण्डेले खेलाडीहरुको स्तर उन्नतीको लागि केन्पो खुकुरी मार्शल आर्टसका खेलाडीहरुको ग्रेडिङ्ग आयोजना गरेको बताउनुभयो । भक्तपुरमा केन्पो खेलको लागि छिट्टै राष्ट्रियस्तरको कर्भड हल निर्माण हुदैछ भन्दै उहाँले असोजमा नेपाल केन्पो खुकुरी मार्शल आर्टसको राष्ट्रब्यापी प्रतियोगिता आयोजना गरेकोले त्यसमा सहभागिताको लागि अनुरोध गर्नुभयो ।
कार्यक्रममा इरानका अन्तराष्ट्रिय गुरु इशानले केन्पो खेलमा नेपालको भविष्य उज्वल रहेकोले नेपाल भ्रमण आएको बताउनुभयो । उहाँले यस खेललाई विकास, विस्तार एवं कला कौशल प्रदान गर्न सदैव सहयोग गर्ने जानकारी दिंदै सहभागी खेलाडीहरुलाई ग्रेडिङ्ग गराएर खेलका केही टेकनिक सिकाउनुभयो । कार्यक्रममा नेपाल केन्पो खुकुरी मार्शल आर्ट्स संघका बरिष्ठ उपाध्यक्ष कुमार कार्कीलाई केन्पो खेलको माष्टर उपाधि प्रदान गरियो । ग्रेडिङ्ग कार्यक्रममा ५० जना खेलाडीहरुलाई ग्रेडिङ्ग गराउने कार्य सम्पन्न भयो । जसमा भक्तपुरबाट रामशरण त्वाती, आशराम सुवाल, राजकुमार लघु लगायत १० जना खेलाडीहरु ग्रेडिङ्ग कार्यमा सहभागी हुनभयो ।
तालिममा सहभागीहरुलाई अन्तराष्ट्रिय गुरु इशानले प्रमाण-पत्र वितरण गर्नु भएको थियो
