आज विहान टर्कीको इस्तानबुलबाट काठमाडौं आएको टर्किर्स एयरलाइन्सको टीके ७२६ कलसाइन भएको जहाज त्रिभुवन अन्तर्राष्ट्रिय विमानस्थलमा अवतरण गर्ने क्रममा सो जहाजको चक्कामा आगो लागेपनि उक्त जहाजमा सवार चालक दलका सदस्य र यात्रुह रु सुरक्षित रहेको जनाइएको छ । जहाजको चक्कामा आगो लागेको देखिएपछि तत्कालै दमकलले आगो निभाएर जहाजमा सवार चालक दलका सदस्य र यात्रुहरुको आपतकालीन उद्दार गरिएको बताइएको छ । जहाजको चक्कामा आगो लाग्नुको कारण भने खुलेको छैन । जसका कारण त्रिभुवन अन्तर्राष्ट्रिय विमानस्थलमा केही समय जहाज उडान र अवतरण रोकिएको थियो । सो जहाजमा ४ बालकसहित २७७ जना यात्रु र ११ जना चालक दलका सदस्यहरु रहेको त्रिभुवन अन्तर्राष्ट्रिय विमानस्थल श्रोतले जनाएको छ ।
