भक्तपुर/ भक्तपुर नगरपालिका-२, इताछेंमा रहेको लोकेश्वर बचत तथा ऋण सहकारी संस्था लि.ले साहित्य लेखन तालिम सञ्चालन गर्ने भएको छ । सोही संस्थाद्वारा जारी सूचनामा उक्त संस्थाको सांस्कृतिक उप-समितिको आयोजनामा आउदो असार २६ गतेदेखि साउन १ गतेसम्म साँझ ६:०० बजेदेखि ७:०० बजेसम्म त्यसै संस्थाको भवनमा सो तालिम आयोजना हुने उल्लेख छ ।
सहकारी नीति , मुल्य र मान्यतालाई आत्मसाथ गरी अगाडि बढिरहेको सो संस्था निरन्तर प्रगतिपथमा अगाडि बढिरहेको देखिएको छ । मौलिक कला र संस्कृतिको संरक्षण र प्रवर्द्धनलाई विशेष जोड दिएको त्यस संस्थाले सामाजिक उत्तरदायित्व अन्तर्गत बेलाबेलामा बिभिन्न रचनात्मक सामाजिक क्रियाकलाप सञ्चालन गर्दै आएको छ ।
