काठमाडौं महानगरपालिका वडा नं.१६ का वडाध्यक्ष तथा नेपाली कांग्रेसका काठमाडौं क्षेत्र नं.७ का क्षेत्रीय सभापति मुकुन्द रिजालको आज विहान काठमाडौंको टोखास्थित ग्राण्डी इण्टरनेशनल अस्पतालमा उपचारका क्रममन निधन भएको छ । दुबै फोक्सोमा सिभियर निमनिया (भाइरल निमनिया) भएर उपचारका लागि यही भदौ १७ गते ग्राण्डी इण्टरनेशनल अस्पतालमा वडाध्यक्ष रिजाल भर्ना हुनुभएको थियो । सघन उपचार कक्षमा उपचारका क्रममा राखेर गर्ने क्रममा ARDS भई Refractory Spetic shock/ Acute kidney injury भई उहाँको आज विहान ७:३० बजे निधन भएको ग्राण्डी इण्टरनेशनल अस्पतालले जारी गरेको प्रेस विज्ञप्तिमा उल्लेख छ ।
स्पष्ट वक्ता र सामाजिक कार्यलाई महत्व दिदै आएका रिजाल २०७४ र २०७९ सालको स्थानीय तहको निर्वाचनमा काठमाडौं महानगरपालिका वडा नं.१६ को वडाध्यक्षमा निर्वाचित हुनभएको थियो । उहाँ महानगर कार्यपालिकाको पूर्बाधार समितिको संयोजक पनि हुनुहुन्यो ।
२०२७ साल कार्तिक ११ गते जन्मिएका रिज रिजालका श्रीमती र दुई छोरा छन् ।
काठमाडौं महानगरपालिकाले दिवंगत रिजालको पार्थिव शरीर श्रद्धाञ्जलीका लागि आज विहान ११ बजेदेखि दिउँस १ बजेसम्म प्रदर्शनीमनर्गस्थित राष्ट्रिय सभा गृहमा राख्ने जनाएको छ । श्रद्धाञ्जली कार्यक्रमपछि उहाँको पार्थिव शरीर आजै पशुपति आर्यघाटमा अन्तेष्टि गर्ने पारिवारिक श्रोतले जनाएको छ ।