फ्रान्सलाई हराएर अर्जेन्टिनाले जित्यो फिफा विश्वकप फुटबलको उपाधी

डिफेण्डिङ च्याम्पियन फ्रान्सलाई ट्राईब्रेकरमा ४-२ गोल अन्तरले पराजित गरी कतारमा जारी २२औं संस्करणको फिफा विश्वकप फुटबल जितेको छ । कतारको लुसेल रंगशालामा केहीबेर अगाडि सम्पन्न निकै प्रतिस्पर्धात्मक र रोमाञ्चक फाइनल खेलको ट्राइब्रेकरमा फ्रान्सका केलियन एम्बाप्पेले प्रहार गरेको पहिलो पेनाल्टी र राण्डालान कोलोमुनीले प्रहार गरेको चौथो पेनाल्टी गोलमा परिणत भएपनि फ्रान्सका किङ्स्ले कोमानले प्रहार गरेको दोश्रो पेनाल्टी अर्जेन्टिनाका गोल रक्षक इमानुयल मार्टिनेजले बचाउ गरेका थिए भने फ्रान्सका अउरेलियनले प्रहार गरेको तेश्रो पेनाल्टी प्रहार गोलपोष्ट भन्दा बाहिर गएको थियो ‌। यता ट्राइब्रेकरमा अर्जेन्टिनाका लियोनल मेस्सी , पाउलो डिबाला , लियोनार्दो परडेस र गोञ्जालो मण्टेलले हानेको पेनाल्टी प्रहार गोलमा परिणत भयो । अर्जेन्टिनले ३६ वरषपछि यो उफाधी जितेको हो ।